Legados, relacións e ata proxeccións familiares: velaí a materia da que estamos feitas. Tanto na súa líquida versión capaz de humectar as raíces antepasadas, coma na solidez do que hoxe nos conforma mesmo se só asoma unha parte, ata a volatilidade gasosa dun futurible familiar. Desde a memoria histórica aos clarescuros da renuncia á maternidade se tratan nesta poderosa proposta poética na que cada estado da materia se expresa nun propio ton.